Barthelemy Massipi

Minutes 1598-1603 (cote 5 E 1062)

Le lundy unsie(me) jo(u)r de juin feste de sainct barnabé

de l an mil six cens un a six heures et demye

apres midy le foudre teumba sur l( )ange du

clocher de l( )egli(se) sainct jacques de mo(n)tauban

et le feu brusla l( )ange jusques a la pomme et

le plom se fondit et teumba a terre et je

y montis ensemble jean peleprat appo(ticai)re

dud(it) mo(n)tauban e(t )plusieurs au(tr)es et commandes

de messieurs guilh(aume) bardon et daniel petit consulz

Massipi, not(air)e r(oy)al

Au moys de janvier de l( )an 1603 la riviere de

garonne estoit si fort gellée que gens a( )pied

a( )cheval et charrettes chargees y passoint

sur la glace -

La riviere de tarn en estoit de mesme et y ay

veu cuyre une molette a( )la poille e(t )fut mangee

sur( )le lieu au port de mo(n)t(au)ban p(rese)nt jean boyssou

qui en mangea sa part -

...................................................................

Le 28 mars 1603 la riviere de tarn

se desborda et submergea tout despuis

corbarieu jusques a mo(n)tauban comme

un deluge et plusieurs furent [con]strainctzz

seauver sur les arbres et ce fut avant

minuyct et le lendemain 29 dud(it) moys avec

de cabattotz ont alloit chercher ]les[

ceulx qui n( )estoint peu sca(u)ver de( )l( )eau

qui les avoit assi(e)ges sur( )les arbres e(t )sur

les maisons de la plaine de gasseras jusques

a( )la( )garde en estoit de mesme / et

l( )eau de lad(ite) riviere passa dans toutz

les petitz arceaux du pont

Pierre couchut dict lou cannis fut mis

a la cage et trempe troys foys le

mercredi second jo(u)r de may ]1607[ 1607

ayant este [con]dempne [par] les [con]sulz de mo(n)tauban

et [con]firme par arrest de la chambre de castres

Minutes 1604-1608 (cote 5 E 1063)

Le siege de mo(n)tauban

L an 1562 m(onsieu)r de terride vint assieger

la ville de mo(n)tauban - - -

Le 14 jo(u)r d octobre 1566 fut l( )aiguat

de sainct gayraud / que( )la riviere de tarn fut

si grande q(ue) elle se desborda de toutz costes

]que[ et tenoit tout le pays jusques a verlhaguet

et toutte la plaine de( )peboye -----------------

de tout ce y a memoyre a un prothocolle de feu jean

gardezi not(air)e -

Minutes 1609-1615 (cote 5 E 1064)

Siege des papistes devant

mo(n)tauban - 1562

Le doutziesme jour du moys de may l an

mil cinq centz soixante deux monsieur

de terride accompaigne d( )une grande et

forte armée vingt assieger la ville de mo(n)tauban

et fit brusler et abattre les molins de gilac et

gilacou sapiac et sapiacou et fit plusieurs

ravages aux envyrons de lad(ite) ville

L( )aiguat de sainct guyraud

|1566 -

Le quatorziesme jo(ur) d( )octobre de l( )année mil

cinq cens soixante six la riviere de tarn

s( )enfla si tres fort qu( )elle se desborda de

touts les deux costes abatit grand

nombre de maisons et emporta les molins

et plusieurs maisons des faubourgz ]de[

qui aboutissent a la riviere

..................................................................

Defaicte de villemur 1592 -

La deffaicte de( )l( )armee du duc de joyeuze devant

villemur fut ]faul[ le lundy dix neufviesme jo(ur)

d( )octobre sur la poincte du jour et led(it) sieur

de joyeuse se noya dans la riviere de tarn

et la plus grand part de son armee

1582

Le( )calendrier romain fut reforme en l( )annee

mil cinq centz huictante deux - 1582

BM

Le mercredy septiesme jo(ur) de may 1614 j( )ay veu tomber

de neige dans mo(n)tauban en plain midi et a faict

albiere(*) toutz la matineee despuis le quinzie(me) d avril

aud(it) an jusques au p(en)ulttie(me) jo(ur) de may suivant

qu( )a faict dieu graces nul mal aux fruictz de

la( )terre

( (*) Albière, du languedocien albièra, gelée blanche.

Le mercredi 12 nobvembre 1614 entre dix et

unze heures du soyr le feu se print a( )la

maison de mariet viguieri greffier lequel brusla

toutte la( )couverte et maisons estantz en icelle

............................................................................

despuis le coing de la maison e( )pierre de( )vaurs

bourgeois jusques a( )l( )aultre boult de( )couverte

allant vers la grand boucherye et a saulté la rue

bruslé entiere(ment) la maison de feu mathieu durval

qui faict coing et a brusle la plus grand part des

maisons de l( )au(tr)e couverte allant vers le temple neuf

qu( )est de( )la( )gache de mo(n)tmurat a( )lad(ite) rue a brusle

lad(ite) maison de durval sur le( )coing celle de mariet debia

merchand celle de m(aîtr)e gaultier appo(ticai)re de( )l( )au(tr)e( )coste

jusques a celle ]de s[ de m(onsieu)r gaultier con(seill)er filz dud(it) pierre

appo(ticai)re a( )l( )au(tr)e rue a brusle jusques a la maison

des coloms que tenoit le cappitaine baille et partye

de celle de lalauze tout( )jusques a la place de l( )au(tr)e

coste de rue a brusle toutte l( )advancee des toictz

a( )la rue des greffes est alle( )jusques a la maison de

vacher procureur et en a aussy brusle [par]tye de

la maison commune de dessus la plasse et mezure

du bled et c( )estoit un feu d airain bruslant tuille et pierre

et qu( )il faillu f(air)e jouer le canon 18 volles

Massipi, not(air)e r(oy)al